ನಮ್ಮ ದೇಶದಲ್ಲಿ ದೀಪಾವಳಿ ಹಬ್ಬ ಬಹಳ ಮುಖ್ಯವಾದ ಹಬ್ಬಗಳಲ್ಲಿ ಒಂದು, ದೀಪಾವಳಿ ಹಬ್ಬವನ್ನು ಐದು ದಿನಗಳವರೆಗು ಆಚರಿಸಲಾಗುತ್ತದೆ. ಈ ಹಬ್ಬ ಶುರುವಾಗುವುದು ಧನತ್ರಯೋದಶಿ ಇಂದ, ಈ ದಿನ ಲಕ್ಷ್ಮೀದೇವಿ, ಕುಬೇರ ಮತ್ತು ಧನ್ವಂತರಿಯನ್ನು ಪೂಜೆ ಮಾಡಲಾಗುತ್ತದೆ. ಇವರಿಗೆ ಪೂಜೆ ಸಲ್ಲಿಸಿ ಆರಾಧನೆ ಮಾಡುವುದರಿಂದ ಇಡೀ ವರ್ಷ ಲಕ್ಷ್ಮೀದೇವಿ ನಿಮ್ಮ ಮನೆಯಲ್ಲೇ ಇರುತ್ತಾಳೆ ಎಂದು ಅರ್ಥ. ಈ ದಿನ ದೇವರ ಆಶೀರ್ವಾದ ಪಡೆಯಲು ಕೆಲವು ವಸ್ತುಗಳನ್ನು ಖರೀದಿ ಮಾಡಬೇಕು ಎಂದು ಹೇಳಲಾಗುತ್ತದೆ. ಬೆಲೆಬಾಳುವ ಪದಾರ್ಥ ಎಂದು ಅಲ್ಲ, ಕಡಿಮೆ ಬೆಲೆಯ ಪದಾರ್ಥಗಳನ್ನು ಸಹ ಖರೀದಿ ಮಾಡಬಹುದು.
ಈ ಹಬ್ಬದ ದಿನ ಹಳೆ ಪೊರಕೆಯನ್ನು ಮನೆಯಿಂದ ಹೊರಗೆ ಹಾಕಿ, ಹೊಸ ಪೊರಕೆಯನ್ನು ಖರೀದಿ ಮಾಡುತ್ತಾರೆ. ಆದರೆ ಹಳೆಯ ಪೊರಕೆಯನ್ನು ಮನೆಯಿಂದ ಹೊರಗೆ ಹಾಕುವುದಕ್ಕಿಂತ ಮೊದಲು, ಕೆಲವು ಕ್ರಮಗಳನ್ನು ನೀವು ಅನುಸರಿಸಬೇಕಾಗುತ್ತದೆ, ರೀತಿ ಮಾಡುವುದರಿಂದ ನಿಮಗೆ ಆರ್ಥಿಕ ಸಮಸ್ಯೆಗಳು ಆಗುವುದಿಲ್ಲ.
*ಪೊರಕೆ ಲಕ್ಷ್ಮೀದೇವಿಯ ಸ್ವರೂಪ ಎಂದು ಭಾವಿಸುವ ಕಾರಣ, ದೀಪಾವಳಿ ಹಬ್ಬದ ದಿನ ಹೊಸ ಪೊರಕೆಯನ್ನು ಮನೆಗೆ ತಂದು, ಹಳೆಯ ಪೊರಕೆಯನ್ನು ಹೊರಗೆ ಬಿಸಾಕುತ್ತಾರೆ, ಆದರೆ ಆ ರೀತಿ ಮಾಡಬಾರದು, ಇದರಿಂದ ಲಕ್ಷ್ಮೀದೇವಿಗೆ ಕಿರಿಕಿರಿ ಉಂಟಾಗಬಹುದು, ಇದರಿಂದ ಆರ್ಥಿಕ ಸಮಸ್ಯೆ ಉಂಟಾಗಬಹುದು.
*ಧನತ್ರಯೋದಶಿ ಹಬ್ಬದ ದಿನ ನಿಮ್ಮ ಮನೆಯಲ್ಲಿರುವ ಹಳೆಯ ಪೊರಕೆಗೆ ಸಿಂಧೂರ, ಅರಿಶಿನ, ಕುಂಕುಮ ಇಟ್ಟು ಪೂಜೆ ಮಾಡಿ, ಇದರಿಂದಾಗಿ ಮನೆಯಲ್ಲಿ ಎಲ್ಲವೂ ಒಳ್ಳೆಯದಾಗುತ್ತದೆ. ಹಳೆಯ ಪೊರಕೆ ಜೊತೆಗೆ ಹೊಸ ಪೊರಕೆಗೂ ಪೂಜೆ ಮಾಡಿ.
*ಹಳೆ ಪೊರಕೆ ತುದಿಗೆ ಕಪ್ಪು ದಾರ ಕಟ್ಟಿ ಹೊರಾಗಿನವದು ಮನೆಗೆ ಬಂದಾಗ ಕಾಣಿಸುವ ಹಾಗೆ ಇಡಿ. ಪೊರಕೆ ಶುಕ್ರ ಗ್ರಹಕ್ಕೆ ಸೇರಿದ್ದು, ಕಪ್ಪುದಾರ ಶನಿ ಗ್ರಹಕ್ಕೆ ಸೇರಿದ್ದು, ಇದರಿಂದಾಗಿ ಎರಡು ಗ್ರಹಗಳು ಬಲವಾಗಿರುತ್ತದೆ ಜೊತೆಗೆ ಮನೆಗೆ ನೆಗಟಿವ್ ಎನರ್ಜಿ ಬರುವುದಿಲ್ಲ. *ಈ ಹಬ್ಬದ ದಿನ ಮನೆಯನ್ನು ಹೊಸ ಪೊರಕೆ ಇಂದ ಗುಡಿಸುವುದು ಒಳ್ಳೆಯದು. *ಧನತ್ರಯೋದಶಿ ದಿನ ರಾತ್ರಿಯ ನಂತರ ಹಳೆಯ ಪೊರಕೆಯನ್ನು ಮನೆಯಿಂದ ಹೊರಗಡೆ ಹಾಕಬಹುದು.